Станува збор за насловна страница на која „Слободен печат“ информира за развојот на судењето на аферата „Рекет“. Оваа насловна страница е дел од сценарио од спот за предизборна пропаганда на партијата, во која фокусот е ставен на шиканирање на владеењето на политичките противници, критика на судството и обвинителството.
„Навистина немавме лоша намера или тенденција. Искрено да ви кажам не знаев дека не смеам да ги користам трговската марка и знаците, ако има било каков проблем можеме да го тргнеме или блурираме тоа. Инаку има десетици спотови во Македонија каде се користат исечоци од весници од сите политички партии. Јавен медиум е и така се стекнуваат впечатоци за вести. Во спотот има и други медиуми кои ги има во спотот, тоа сте го објавиле на вашиот медиум и не е нешто тајно. Не е дека е нешто тенденциозно кон „Слободен печат“ напротив. Во знак на добра волја, ќе разговарам со луѓето што го правеа ова од партијата, зашто сами го правевме видеото, тие ни се условите, да видам да го замаглат делот од материјалот“, Александар Николоски, потпретседател на ВМРО-ДПМНЕ.
Партијата ВМРО-ДПМНЕ ги злоупотреби логото и жигот на „Слободен печат“ во видео-спот пласиран на социјалните мрежи. Главен „актер“ во видео-материјалот е потпретседателот на партијата, Александар Николоски, кој седнат на биро го разгледува дневниот печат, односно насловната страница на „Слободен печат“ и ја користи таа насловница како амбиент за да го почне своето излагање против политичкиот опонент Зоран Заев. Станува збор за насловна страница на која „Слободен печат“ информира за развојот на судењето на аферата „Рекет“. Оваа насловна страница е дел од сценарио од спот за предизборна пропаганда на партијата, во која фокусот е ставен на шиканирање на владеењето на политичките противници, критика на судството и обвинителството. „Фатени се живи!“, драматично го почнува своето излагање Николоски.
Станува збор за деловни знаци на „Слободен печат“ кои се сопственост на компанијата и кои без дозвола се искористени во политичка пропаганда. Никој од ВМРО-ДПМНЕ не побарал дозвола пред да го искористи весникот во својот предизборен маркетинг. Менаџментот на фирмата „Слободен печат“ вчера експлицитно и писмено побара од ВМРО-ДПМНЕ во иднина да не ги користи деловните знаци, кои се сопственост на компанијата, а особено не во контекст на пропаганден политички материјал.
Истовремено од партијата побаравме во рок од три дена од примањето на дописот да ја отстрани секвенцата од видео материјалот во која е злоупотребена трговската марка „Слободен печат“, а ја информиравме и Државната изборна комисија за настанот.
Редакцијата вчера го праша потпретседателот на ВМРО-ДПМНЕ Александар Николоски зошто во политичкиот спот деловните знаци на компанијата се употребени без дозвола. Тој вети дека за час и половина од разговорот кој го водевме, делот со трговската марка „Слободен печат“ ќе биде замаглен на видео материјалот.
– Навистина немавме лоша намера или тенденција. Искрено да ви кажам не знаев дека не смеам да ги користам трговската марка и знаците, ако има било каков проблем можеме да го тргнеме или блурираме тоа. Инаку има десетици спотови во Македонија каде се користат исечоци од весници од сите политички партии. Јавен медиум е и така се стекнуваат впечатоци за вести. Во спотот има и други медиуми кои ги има во спотот, тоа сте го објавиле на вашиот медиум и не е нешто тајно. Не е дека е нешто тенденциозно кон „Слободен печат“ напротив. Во знак на добра волја, ќе разговарам со луѓето што го правеа ова од партијата, зашто сами го правевме видеото, тие ни се условите, да видам да го замаглат делот од материјалот – ни рече Николоски.
Во видео материјалот е злоупотребена и насловна страница на „Фокус“. Оттаму велат дека не е првпат нивното име да биде злоупотребено.
– Време е ова да престане. Не е првпат да бидеме злоупотребени и од едните и од другите – велат од управата на неделникот.
извор: Слободен печат
