Американскиот претседател Џо Бајден и еден од неговите главни помошници предупредија дека блокирањето на федералната влада може да предизвика широко страдање, вклучително и брзо губење на субвенциите за храна за речиси седум милиони жени и деца со ниски приходи.
Бајден рече дека неуспехот на Конгресот да ја финансира федералната влада ќе има страшни последици за афро-американската заедница, вклучително и намалување на субвенциите за храна, инспекции на локациите за опасен отпад и спроведување на законите за праведно домување.
Тој рече дека тој и претседателот на Претставничкиот дом на САД, републиканецот Кевин Мекарти, пред неколку месеци се договориле за нивоата на потрошувачката за владата.
„Се договоривме, се ракувавме. Сега мала група екстремни републиканци во Претставничкиот дом не сакаат да го следат тој договор и секој во Америка може да се соочи со плаќање на цената за тоа“, рече Бајден.
