Демократската унија за интеграција вечерва одржа форум под мото „Лице в лице за еднакви можности” во Чаир, соопшти партијата.
Меѓу говорничките и говорниците кои се обратија пред голем број присутни жени, беше лидерот на ДУИ, Али Ахмети. Тој рече дека организацијата на овој настан за правата на жените е продолжување на напорите за барање на правда и еднаквост. Пред предизвиците и тортурата се солидаризираме и се бориме за правата на сите, без разлика на полот, изјави првиот човек на ДУИ, Али Ахмети кој кажа дека неговата партија се залага за целосна родова рамноправност.
„Жените и девојките, мајките беа составен дел од војната и во рововите и на позициите и во поддршката, со сите алатки што ги поседуваа за да им помогнат на своите браќа и сестри на фронтот. Затоа, драги, нема потреба да се поставуваат барања, да се бара еднаквост и унапредување на сестрите и жените Албанки“, рече Ахмети, меѓу другото.
Мене и на сите мои соработници ни остана обврската како да ја унапредиме албанската жена, бидејќи благодарение на издигнувањето и образованието на жената се гледа и степенот на
издигнување на еден народ. Колку мајката е понеобразована, толку повеќе необразована е целата нација, нагласи Ахмети.
Д. Ј.
