Советничката група на СДСМ и коалицијата во Скопје иако е опозицијата се грижи за интерсот на граѓаните и ќе го поддржиме субвенционирањето на ЈСП, но ДПМНЕ да не го кочеше проектот за БРТ немаше денеска да зборуваме за катаклизми и хаос во јавниот превоз, рече на седница на Советот на град Скопје советникот Гордан Шутаров од СДСМ.
-Ставот на СДСМ и коалицијата е јасен, гласно го кажуваме, а тој е дека го поддржуваме субвенционирањето на ЈСП затоа што тоа е во интерес на граѓаните. Особено на оние граѓани, пензионери, средношколци, студенти, коишто најмногу имаат потреба од јавниот превоз, секако заедно со сите останати граѓани кои што активно го користат јавниот превоз. Субвенциите на ЈСП ги поддржуваме. Не даваме поддршка за ново задолжување на Град Скопје затоа што 2 години се залагаме за нов концепт на јавен превоз во Скопје, тоа е БРТ, проект којшто после 2 години кочење можеби и ќе се реализира. Да не беше закочен тој проект за БТР од страна на локалната власт на ДПМНЕ во Советот на Град Скопје денеска ќе имавме половина реализиран проект, со цени и спецификации како проектот тогаш што бил направен. Апелираме јавно, проектот за БРТ да започне веднаш затоа што парите, 70 милиони евра заем од ЕБОР се на наменска сметка на Град Скопје и може да бидат искористени. Овој проект како нова концепција за јавен превоз е спас за хаосот. Да беше тој проект во фаза на реализација немаше денеска да зборуваме за катаклизми, немаше денеска да зборуваме хаос во јавниот превос во Скопје, немаше да требаат нови субвенции. Затоа што тој концепт е потребен на граѓаните, рече Шутаров.
Советникот Шутаров додаде дека доколку ДПМНЕ како мнозинство во Советот не ја поддржи одлуката за субвенционирање на ЈСП Скопје ќе биде заробено.
-На ДПМНЕ не им се важни потребите на граѓаните. Доколку советничката група на ДПМНЕ ја подджи одлуката за субвенционирање на ЈСП тоа ќе биде само заради медиумите што се присутни во салата. Доколку не ги поддржи, 14 Ноември ќе биде денот на заробување на Градот Скопје, не од страна на опозицијата, туку од страна на локалната власт. Исто како што 11 години ја заробивте државата и исто како што 2 години ги држите во заложништво општините, рече Шутаров.
