Драги читателки и читатели,
Опозицијата, сега здружена во „ликот и делото“ на Мицковски и Апасиев, е во екот на својата кампања, онака како што најдобро знаат – со националистичка и антизападна реторика.
Национализмот е сè поприсутен во македонскиот политички и јавен дискурс. Истовремено, расте и нервозата кај националистичките политички ентитети, бидејќи не им успева целосно да го наметнат во јавноста. Тоа е последица, меѓу другото, на нивната длабоко антидемократска и антизападна ориентација, нешто што поголем дел од граѓанките и граѓаните го препознава и го отфрла.
Од друга страна, преку скандалозното владеење на локално ниво, станува сè поочигледно дека ВМРО-ДПМНЕ беше и остана истото. Оваа партија и блиските до неа, целосно ги запостави изборните ветувања пред локалните избори во 2021 година.
Повеќето вмровски градоначалници предизвикаа вистински „чуда“ – го исполнија „само“ тоа што не го ветија: покачување на цените на комуналните услуги и такси, ги запоставија улиците, односно целата инфраструктура, ги наполнија локалните установи со свои партиски војници и се фрлија на сопствено богатење.
Добар потсетник за сите со кратко паметење.
Но затоа, Фронтлајн е секогаш на Првата линија, заедно со прогресивната јавност, да ги откријат и разобличат лошите политики и практики.
Благодариме на довербата и поддршката.
Срдечен поздрав од Првата линија,
Редакција Фронтлајн