Храброст, посветеност и професионалност, ни овозможија денеска на оваа свечена саедница на владата да одбелжиме четиригодишнина од настанот кој e најголемата инбвестиција во безбедноста, стабилноста и просперитетот на нашата држава – членстото во НАТО, изјави денеска министерката за одбрана Славјанка Петровска на свечена седница на Владата по повод годишнината од членството во НАТО.
-Со еден збор, храбрите државнички одлуки кои ни овозможија на 27 март 2020 да постигнеме една од двете стратешки цели од нашето осамостојување до денес, се инвестиција во идината на нашите граѓани и нашата држава, рече Петровска.
Петровска се осврна на придобивките од членството во НАТО, како што рече, првата клучна придобивка е тоа што со членството во Алијансата никогаш повеќе не може да стане збор дали нашиот суверенитет, интегритет и безбедноста на граѓаните можат да бидат загрозени.
-За една држава, која има нешто повеќе од три децении независност и се наоѓа на Балканот, членството во НАТО значи огромна потврда на нејзината позиција на меѓународен план и голем успех. Безбедноста е на прво место, но безбедноста и стабилноста гарантираат и инвестиции и подобра економска состојба во државата, рече Петровска.
Затоа, додаде министерката, членството во Алијансата беше стратешка цел на држвата од првиот момент на нејзиното осамостојување и треба да бидеме горди што денес е реалност.
-Ние веќе четири години не сме тема на масата како балканска земја на која треба да и се помогне, туку сме еднакви со сите земји-членки и заедно одлучуваме. Северна Македонија од земја на која меѓународата заедница и помагаше да го задржи мирот, сега е земја која активно придонесува за регионалната безбедбност. И не може да стане збор за нарушување на нашата безбедност од било чија страна, бидејќи во тој случај зад себе денес веќе имаме сојуз од 32 држави, заклучи Петровска.
Првиот вицепремиер задолжен за европски прашања Бојан Маричиќ истакна дека четири години откако сме членка на НАТО, најдобро во пракса се демантира и скептицизмот и резервите и грчот од пред пет години, затоа што денес, како што подвлече, имаме можност да си честитаме и да одбележиме, и да сме горди на Северна Македонија членка на НАТО.
-Денес има околности кои ни укажуваат дека сме донеле вистинска одлука, дека сме биле на вистинската страна. Имаме војна во Украина а ние сме на безбедната линија на границата во Европа. Имаме држави како Финска и Шведска кои со векови се воено неутрални, и кои ја сменија својата надворешна и безбедносна политика на неутралност, за да станат членки на НАТО каде што ние веќе бевме членка и сме членка и имаме ситуација во регионот каде што три од шест држави од Западен Балкан се членки на НАТО, а ние сме меѓу тие три, заедно со Албанија и со Црна Гора, рече Маричиќ.
Тој оцени дека ова денес може да се чини дека ни е дадено, но, потенцира, за тоа сме се избориле тешко, со големи политички жртви.
-Но тоа само не потсетува дека тешките одлуку се навистина вредни за граѓаните и за државата. И дека тешките одлуки што терба да ги донесеме поврзани со членството во ЕУ – да, нас политичарите сигурно ќе не чинат, меѓутоа, бидете сигурни, кога ќе прославуваме годишнина од членството во ЕУ – дека граѓаните ќе ни бидат благодарни – и за тоа што ќе го направиме, и за тоа што сме го направиле, истакна Маричиќ на свечената седница во Владата.
На седницата претходно свои обраќања имаа премиерот на техничката Влада Талат Џафери и министерот за надворешни работи Бујар Османи.
