-Владата на Христијан Мицкоски покажа тотална неспособност до тој степен што месец дена по усвојувањето на ребалансот уште не се објавени програмите и не се исплатени субвенциите. Селективните и нередовни субвенции и долгови кон земјоделците се одлика на времето на ДПМНЕ. Тие тоа го паметат. Во 2017 , а не денес, субвенциите за земјоделците се исплаќаа на два дена пред избори и се доцнеше 4, 5 па и 6 години. Пример во 2017, Владата на СДСМ исплаќаше субвенции и огромни долгови за 2012 и 2013 година, соопштуваат од СДСМ.
Лага е, велат од СДСМ, дека ќе се исплаќаат субвенции од претходните 4 години.
„Денес, со една милијарда од ребалансот нема да се исплаќаат долгови за претходни години туку субвенции по тековни барања од 2023 година. Агенцијата задолжена за исплата јавно нека ги објави и информира за која програма односно година се потрошени парите од овој ребаланс“, се наведува во реакцијата од СДСМ.
Претходно, во соопштение со наслов „Проверен факт: Владата исплаќа 1 милијарда денари за заостанати субвенции од претходната влада“, владата истакна дека една од заложбите е посветено да се работи и да им се помага на земјоделците.
