Претседателот на САД, Џо Бајден ќе „го користи секој ден“ за да го зајакне НАТО и поддршката за Украина, изјави американскиот државен секретар Ентони Блинкен.
Тој при денешната посета на НАТО во Брисел, истакна дека Алијансата е „клучна за безбедноста на САД и безбедноста на земјите во Европа“.
Блинкен истакна и дека САД „ќе продолжат да поддржуваат се“ за Украина да се справи со руската инвазија.
Бајден ќе му го предаде американското претседателство на Доналд Трамп на 20 јануари 2025 година. Трамп за време на неговата изборна кампања изјави дека брзо ќе ја заврши војната во Украина, но тој не наведе како ќе го постигне тоа.
