Новоизбраниот американски претседател Доналд Трамп синоќа изјави дека очекува да се сретне со рускиот претседател Владимир Путин за да се реши конфликтот во Украина.
-Путин рече дека сака да се сретне со мене што е можно поскоро. Така што тоа го очекуваме тоа. Мораме да ставиме крај на оваа војна, рече Трамп, говорејќи на конференција во американската сојузна држава Аризона.
Трамп го нарече конфликтот во Украина „страшен“ и повтори дека конфликтот немаше да дојде доколку тој беше претседател на САД наместо Џозеф Бајден.
