Американскиот претседател Доналд Трамп синоќа изјави дека не е сигурен дека САД воопшто треба да трошат нешто за НАТО, велејќи им на новинарите дека САД ги штитат членките на НАТО, но тие „не не штитат нас“.
Трамп ги повтори своите претходни барања другите членки на трансатлантската алијанса да трошат 5 отсто од својот бруто домашен производ (БДП) за одбрана, што е огромен пораст од сегашната цел од 2 отсто и ниво на кое ниту една земја на НАТО, вклучително и САД, во моментов ги исполнува.
„Не сум сигурен дека треба да потрошиме нешто, но дефинитивно треба да им помогнеме. Ние ги штитиме. Тие не не штитат нас. Тие треба да ги зголемат трошоците од 2 на 5 отсто“, им рече Трамп на новинарите по потпишувањето на извршната наредба во Овалната соба.
Вашингтон финансира 15,8 отсто од годишните расходи на 32-члената воена алијанса со околу 3,5 милијарди долари. Тоа е најголемо учество, веднаш до Германија, според анализата на НАТО за 2024 година.
Вкупниот буџет за одбрана на САД го надминува буџетот на другите членки на НАТО и изнесува 816,7 милијарди долари во 2023 година.
