Израелскиот премиер Бенјамин Нетанјаху синоќа изјави дека нема ништо лошо во идејата на Доналд Трамп за иселување на Палестинците од Појасот Газа, откако предлогот на американскиот претседател предизвика меѓународна критика.
Организациите за човекови права го опишаа предлогот на Трамп за трајно раселување на Палестинците од енклавата како етничко чистење, а истовремено сугерираа САД да ја преземат администрацијата на Газа.
Во интервју за Фокс њуз, Нетанјаху не се осврна експлицитно на идејата на Трамп за преземање на контролата врз Појасот Газа од страна на САД, но ја поддржа идејата „да им се дозволи на Газанците кои сакаат да заминат – да си заминат“.
„Мислам, што има лошо во тоа? Тие можат да заминат, можат да се вратат, можат да се преселат и да се вратат. Но, Газа мора да се обнови“, додаде израелскиот лидер.
Нетанјаху рече дека не верува дека Трамп има намера да испрати американски војници да се борат против Хамас во Газа или дека Вашингтон ќе ги финансира напорите за реконструкција.
„Ова е првата добра идеја што ја слушнав. Тоа е извонредна идеја и мислам дека навистина треба да се постапи, да се проучува, да се делува и да се имплементира, бидејќи мислам дека ќе создаде различна иднина за сите“, рече Нетанјаху.
Трамп предлага Палестинците од Газа да бидат прифатени од арапските земји во регионот како Египет и Јордан.
