Студентите на Техничкиот факултет „Михајло Пупин“ од Зрењанин за денеска најавија почеток на протестен марш до Вршац, со цел да го поддржат собирот закажан за недела на 23 февруари во тој град. Слоганот на кампањата е „Од Банат, од инает“, а рутата што ќе ја поминат е долга речиси 100 километри. Првиот ден академиците ќе пешачат 32,3 километри, паузи ќе прават во Лазарево и Сутјеска, а ќе преноќат во Сечањ. За денеска протестна прошетка наречена „Да се сретнеме кај Вук“ најавија и неколку белградски општини и здружението на граѓани „Устала е устаничка“. Собирот на граѓаните од сите општини и собирот кај Споменикот на Вук е најавен за 20 часот, објави N1.
Студентите на Електротехничкиот факултет (ЕТФ) во блокадата се приклучија на протестниот собир на работниците на Градското сообраќајно претпријатие (ГСП) и најавија приклучување кон митингот на работниците од Електростопанството на Србија (ЕПС), со цел да ги поддржат нивните барања и да застанат со работниците на тие две јавни претпријатија.
Во Краљево за денеска во 15 часот е најавен нов протест со прошетки и блокади на три клучни сообраќајници.
Преземено: Нова ТВ
