Денот на отпорот против окупацијата на Автономната Република Крим и градот Севастопол, 26 февруари, го одбележува почетокот на отпорот на населението на полуостровот против руската окупација која започна во 2014 година. Тогаш, илјадници кримски Татари и Украинци протестираа пред парламентот на Крим, ден пред руската војска и паравоените единици под команда на Кремљ да ја преземат вооружената контрола врз парламентот. Потоа уследи нелегалната анексија на Крим.
По тој повод, претседателот на Украина, Володимир Зеленски, денеска на социјалните мрежи објави:
„Денеска е ден на храброст и интегритет на сите оние кои не замижаа пред руската окупација на нашиот Крим. Овие денови, пред 11 години, руската агресија врз Украина започна со незаконското, предавничко заземање на Крим, напиша претседателот Зеленски,“ меѓу другото.
Today is a day of bravery and integrity of all those who did not turn a blind eye to Russia’s occupation of our Crimea. On these days, 11 years ago, Russian aggression against Ukraine began with the illegal, treacherous seizure of Crimea.
But February 26 proved that there would… pic.twitter.com/qwKeYZm2ED
— Volodymyr Zelenskyy / Володимир Зеленський (@ZelenskyyUa) February 26, 2025
Амбасадорката на Украина, Лариса Дир, на социјалните мрежи објави дека Крим ќе се врати во составот на Украина.
„Ден 1099. Денес е Денот на спротивставувањето на окупацијата на Крим и градот Севастопол. Украинците се борат за враќање на својата земја, и Крим ќе се врати во составот на Украина. #RussiaIsATerroristState #StandWithUkraine“, напиша амбасадорката.
Ден 1099. Денес е Денот на спротивставувањето на окупацијата на Крим и градот Севастопол.
Украинците се борат за враќање на својата земја, и Крим ќе се врати во составот на Украина.#RussiaIsATerroristState#StandWithUkraine pic.twitter.com/J61s87t6Io— Larysa Dir (@dir_larysa) February 26, 2025
Дел од тимот на ЦивилМедиа објави и едночасовен подкаст каде што се говореше на оваа тема, но и пошироко.
Воедно, денеска беше објавена и Заедничка изјава по состанокот на учесниците на Меѓународната платформа за Крим на Денот на отпорот кон окупацијата на Автономната Република Крим и градот Севастопол. И Северна Македонија е дел од Меѓународната платформа за Крим.
Заедничката изјава завршува со зборовите: Крим е Украина.
Преземено: Цивил Медиа
