Воените бродови од Иран, Кина и Русија ги започнаа своите годишни заеднички вежби во Оманскиот Залив во понеделникот, покажувајќи ги нивните воени врски додека американскиот претседател Доналд Трамп ги нарушува долгогодишните односи со западни сојузи, објави Си-ен-ен, пренесува ЦИВИЛ Медиа.
Вежбите „Безбедносен појас-2025“, што се одржуваат во близина на иранското пристаниште Чабахар, се петта заедничка поморска вежба што Иран, Кина и Русија ја одржуваат од 2019 година, јавуваат кинеските државни медиуми.
Аналитичарите долго време ги гледаа вежбите како демонстрација на растечкото партнерство меѓу трите авторитарни сили, бидејќи тие се обидуваат да го спротивстават американското влијание и да го оспорат глобалниот поредок предводен од Западот.
Но, оваа година, оптиката е уште поизразена бидејќи Трамп го нарушува трансатлантскиот сојуз – камен-темелник на безбедноста на Западот со децении – со прифаќање на Русија на сметка на Украина и ги турка азиските сојузници да платат повеќе за заштита на САД.
Запрашан за вежбите во неделата, Трамп рече дека „воопшто не е загрижен“ за покажувањето сила од страна на тројцата американски противници.
„Ние сме посилни од сите нив. Имаме повеќе моќ од сите нив“, изјави тој за Фокс њуз на бродот Ер Форс Уан.
Во Вашингтон се зголемува загриженоста за новонастанатото стратешко партнерство меѓу Кина, Русија, Иран и Северна Кореја, кое американските законодавци го опишаа како „оска на авторитаризам“, „оска на автократите“ и „оска на диктатори“.
Во исто време, Трамп отворено го прегрна рускиот колега Владимир Путин во обид да стави крај на војната во Украина со директно разговор со Москва, оставајќи ги Кијив и европските сојузници на страна.
Д. Мишев / Цивил Медиа
