ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ВОЈНА ВО УКРАИНА

Украина, Блискиот Исток и односите ЕУ-САД, главни теми на Советот за надворешни работи на Унијата

March 17, 2025 09:48
in ВОЈНА ВО УКРАИНА, ДЕНЕС, ЕВРОПСКА УНИЈА, СВЕТ
Share on FacebookShare on Twitter

Најновиот развој на настаните поврзани со руската агресија врз Украина, ситуацијата на Блискиот Исток, со посебен осврт на случувањата во Сирија и на улогата Иран, како и односите меѓу ЕУ и САД ќе бидат главни теми на денешното заседание на Советот за надворешни работи на Унијата (ФАЦ) во Брисел.

Состанокот, со кој ќе претседава високата претставничка на ЕУ за надворешни работи и безбедносна политика Каја Калас, ќе започне со дебата за Украина на чиј старт на европските шефови на дипломатии преку видео конференциска врска ќе им се обрати нивниот украински колега Андриј Сибиха, кој ќе ги информира за најновите политички случувања и ситуацијата на теренот, како и за најитните приоритети на Киев.

Се очекува дискусијата на европските министри да биде посветена на актуелните американски и европски иницијативи, на резултатите од средбата на претставници на Украина и САД во Саудиска Арабија и од специјалниот Европски совет од 6 март, како и на подготовките на Самитот на ЕУ закажан за 20 март.

Во овој дел предвидено е Калас да ја презентира својата иницијатива за засилена воена поддршка за Украина во 2025 година, преку обезбедување безбедносни гаранции и зајакнување на одбранбените потенцијали на земјата, како и да ја нагласи важноста од одржување максимален притисок врз Русија.

Во продолжение на Советот ќе се разговара за најновите случувања на Блискиот Исток, со посебен фокус на состојбата во Газа и на ситуацијата на Западниот Брег. Се очекува министрите да го поздрават План за обнова на Газа претставен на Самитот на Арапската лига во Каиро на 4 март, како и да се реафирмира поддршката на ЕУ за Палестинската автономна управа, за мировното решение за две држави, како и на работата на УНРВА. Предвидено е и Калас да ги информира министрите за активностите мисијата на ЕУ на граничниот премин Рафа во Газа.

Шефовите на дипломатиите на членките на ЕУ ќе расправаат и за последниот развој на настаните во Сирија, особено за зачестеното насилство во крајбрежните сириски области и да ја потврдат поддршката на ЕУ за земјата и за мирна и инклузивна транзиција со цел создавање политичка и економска стабилност.

Во тој контекст по завршувањето на денешниот Совет ќе се одржи деветтата Бриселска конференција за Сирија, насловена „Поддршка на Сирија: Задоволување на потребите за успешна транзиција“. Основна цел на Конференцијата е мобилизирање меѓународна поддршка за инклузивна и мирна транзиција на Сирија кон изградба на слободна, мирна и просперитетна иднина и за обезбедување хуманитарна и нехуманитарна помош и одржлива поддршка за Сиријците, како на оние во земјата, така и на сириските бегалци во земјите од регионот, особено Јордан, Либан, Турција, Египет и Ирак.

Во делот на расправата за Блискиот Исток, ќе стане збор и за политиката на ЕУ кон Иран, во контекст на неговата поддршка на  Русија, произволните притворања на европски граѓани, хибридните операции против членките на Унијата, иранската нуклеарна програма и дестабилизирачка улога на Техеран во регионот.

На заседанието министрите ќе разменат мислења и за односите меѓу ЕУ и САД и за влијанието на надворешно-политичките одлуки на САД и европскиот одговор на нив.

На крајот е предвидено Калас да ги информира шефовите на дипломатиите за резултатите од минатонеделниот состанок на надворешни работи на Г7 во Канада.

Покрај состанокот на Советот за надворешни работи, денеска во Брисел ќе се одржи и заседание на Советот за транспорт, телекомуникации и енергија на ниво на министри задолжени за енергија, на кое ќе се расправа за Акцискиот план за прифатлива енергија, чија цел е намалување на цените за енергијата на краток рок, комплетирање на Енергетската унија, привлекување инвестиции и подготовка за потенцијални енергетски кризи, потоа за енергетската безбедносна архитектурата на ЕУ, за енергетската ситуација во Украина, како и за заштитата на критична инфраструктура.

ФРОНТЛАЈН Е-БИЛТЕН

ПРЕТПЛАТИ СЕ НА Е-БИЛТЕНОТ НА ФРОНТЛАЈН И ДОБИВАЈ ГИ НАЈНОВИТЕ ВЕСТИ НА ТВОЈАТА Е-АДРЕСА

Check your inbox or spam folder to confirm your subscription.

Tags: Блискиот истокЕУ-САДСоветот за надворешни работи на УнијатаУкраина

НАЈНОВО

Андовски: Денеска решение за формирање комисија за надзор над случајот со детето од Кавадарци

June 9, 2025
Џабир Дерала, Форум за мир и дијалог, 13 август 2023 (фото: Рилинд Сулејмани)

Наместо мобилизација – брендирање. Наместо отпор – административна послушност.

June 9, 2025

Без вода неколку улици во Центар

June 9, 2025

НАЈЧИТАНО

  • И Вучиќ и опозицијата прогласија победа на локалните избори во Косјериќ и Заечар

    0 shares
    Share 0 Tweet 0
  • Не е време за навивање – време е за будност

    0 shares
    Share 0 Tweet 0
  • Златната пена на секојдневието

    0 shares
    Share 0 Tweet 0
  • Македонците ќе ја задржат шминката како посмртна маска

    0 shares
    Share 0 Tweet 0
  • Мицкоски: Од последни, до први во Европа по странски инвестиции

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk