Падот на цената на нафта на светски рамки се очекува да биде добрата страна, условно кажано, на ефектите од корона вирусот. Податоците од светските берзи и предвидувањата на експертите даваат надеж за олеснување на животот на обичните граѓани.
Додека паниката од корона вирусот ги крема цените на производите од една страна, падот на цената на нафтата од друга страна влијае директно во намалување на трошоците во сите дејности, а резултат на тоа ќе биде намалување на цените во малопродажниот пазар.
Мултинационалната британска компанија за инвестиции и претпријатието за финансиски услуги Barclays соопшти деноновиве дека го намали предвидувањето за цената на нафтата на 12 долари за барел за 2020 година.
Меѓународниот стандард за бруто нафтата Брент сега се цени со 31 долар за барел оваа година, а стандардот на Вест Тексас Интермедијет се очекува да биде околу 28 долари.
До овој пад на цените дојде одкако ОПЕК предвидена од Саудиска Арабија и не-ОПЕК предводени од Русија, не успеаа на 6 март во Виена да го намали производството на нафтата од познатата група ОПЕК со што би ги намалиле ефектите од корона вирусот поврзано со побарувачката на нафта во светот.
Barclays предвидува вишок на нафта за повеќе од 5 милиoни барели на ден на светскиот пазар, оваа година.
Како резултат на целата новонастаната ситуација, и во нашата земја малопродажната цена на нафтените деривати падна драстично, а очекувањата се дека нафтата може да падне и до 40 денари за литар ако продолжи истата ситуација со корона вирусот во светот.
Експертите најавуваат дека намалената цена на нафтените деривати ќе ги поевтини и другите цени во пазарот. Тие тврдат дека нафтата најпрвин ќе влијае на цената на транспортот на стока и луѓе, а имајќи ја предвид улогата на транспортот во економијата и фактот дека Северна Македонија голем дел од производите ги увезува, очекуваат и намалување и на цените на производите во крајната алка од продажниот синџир кој допира до граѓанинот.
Поранешниот министер за финансии, Џевдет Хајредини, за ЦИВИЛ МЕДИА вели дека нафтата има ефекти веќе во секоја дејност од производство, трговија и услуги. Затоа тој очекува во сите сфери и дејности да има позитивен ефект во намалување на цените на крајните услуги и производи.
„Енергијата (нафтата) е компонента во цените на сите производи, услуги и цената на живеењето без исклучок. Затоа и влијанието на цената на нафтата е директна во сите”, вели Хајредини.
Според него, падот на цената на нафтата, со намалување на трошоците и цените во сите дејности, ќе биде олеснување за животот и на граѓаните на нашата земја, и нема да дозволи значителен раст на цените заради увозот на производи од подалечни земји, за кои порано се плаќаше поскапо поради трошоците од превозот.
А.Зеќири
