Наметнатите царини од САД треба да ја поттикнат Европа итно да постигне трговски договори со други партнери низ светот, изјави денеска претседателот на Европскиот совет, Антонио Кошта.
„Ќе работиме со сите наши партнери и ќе продолжиме да ја зајакнуваме и прошируваме нашата трговска мрежа. Сега е моментот да ги ратификуваме договорите со Меркосур, Мексико и да направиме значаен напредок во преговорите со Индија и други клучни партнери“, напиша Кошта на платформата Икс.
Оваа изјава доаѓа откако американскиот претседател Доналд Трамп синоќа воведе „реципрочни царини“ за земји од целиот свет со цел да го поттикне домашното производство во САД, што, според експертите, носи ризик од зголемени цени и трговски војни.
