ВО изминатите 24 часа се регистрирани 22 нови случаи на коронавирус во земјата. По градови: Скопје (9), Куманово (3), Струга (3), Тетово (2), Дебар (2), Прилеп (2), Битола (1). Со ова, вкупната бројка на дијагностицирани пациенти со КОВИД-19 денеска до 12.00 часот изнесува 241 лице.
Утрово почина една пациентка на 66 годишна возраст од околината на Струга. Таа и нејзиниот сопруг се дијагностицирани позитивни на коронавирус во текот на вчерашниот ден. Пациентката имала срцева болест, хронична белодробна болест и покачен крвен притисок.
*
Николовски упати апел до граѓаните целосно да ги почитуваат мерките и преораките на надлежните органи во време на пандемија од Ковид-19.
*
ДИРЕКТОРКАТА на Меѓународниот монетарен фонд (ММФ), Кристалина Георгиева изјави дека новиот корона вирус ја турна глобалната економија во рецесија и оти државите треба да одговорат со огромно зголемување на потрошувачкатаза да ја избегнат потенцијалната серија банкроти.
Таа преку видео-конференцја, одржана синоќа во Вашингтон истакна дека на земјите во развој им се потребни најмалку 2,5 билиони долари финансиска помош за да ја надминат кризата.
*
УШТЕ една герила акција пред седиштетот на „белата палата“ денеска. Активистите поставија џиновски компас пред седиштето на ВМРО-ДПМНЕ, на кој во долниот дел пишува НАТО.
*
„МАКЕДОНСКИ телеком“ денеска преку соопштение ги демантираше информациите дека е активирана 5G мрежа во земјава. Од Македонски телеком посочуваат дека досега е направено прво демо во 2018 и вршени се тестирања за функционирање на оваа нова технологија само во лабораториски услови и на мал ограничен простор во 2019 година.
*
МИНИСТЕРСТВОТО за надворешни работи информира дека во соработка со Генералниот секретаријат на Владата и Министерството за здравство на Република Северна Македонија, за денес и утре организираше чартер летови за враќање на македонски државјани во земјата.
*
ВО текот на изминатото деноноќие (27/28.03.) на територијата на државата вкупно 94 лица не ја почитувале мерката за забрана на движењето, при што полициските службеници привеле 44 лица, 10 лица биле опоменати, a за останатите се изготвени соодветни записници и доставени до надлежното ОЈО.
*
СПОРЕД најновите податоци, во светот досега се регистрирани 613.829 луѓе заразени со новиот коронавирус. Од нив починати се 28.229, а оздравеле 137.224 лица.
