Жбогар: Ова не е само уште една одлука на ЕУ, ова е одлука за почеток на преговори. Процесот на преговарање е инструмент што треба да ја донесе ЕУ во вашата земја, да донесе вистинска промена на општеството и земјата и со тоа да ги исполни потребите на граѓаните. Патот (преговорите) е подеднакво важен како и крајната дестинација (членството), оценува Жбогар.
Д-р Костов: Само еден пациент со корона вирус е згрижен во „8 Септември“. Од досега 30 тестирани, само кај еден е добиен позитивен резултат. Со оглед на тоа што му беше потребна хируршка интервенција, пациентот е префрлен на Инфективната клиника. Кај другите резултатите беа негативни“, рече д-р. Костов.
Филипче: UNICEF MK и Универзитетската клиника за психијатрија со дополнителни линии за психолошка поддршка за родители и деца на училишна возраст.
Скопска адвокатка бесплатно нуди објект на располагање на државата, во борба против корона вирусот. Доколку имате потреба од таков простор и истиот е соодветен за потребите на државата со задоволство ќе го ставиме на располагање на истата, со цел да се заштедат пари од државната каса за изградба на објекти, средства кои би се искористиле за други цели. Објектот се наогја во населба Аеродром, на булеварот спроти Американ Колеџ, напиша Коцевска Груевска на ФБ.
МИОА: Северна Македонија нема пуштено во употреба 5Г мрежа. Ги информираме граѓаните дека надлежните институции немаат спроведено постапка за доделување на фрекфенции за 5Г мрежа. Од тука сите грижи за ефектите од 5Г мрежата врз здравјето на граѓаните се неосновани. Информациите кои се појавија во јавноста, дека деновиве се прават тестирања се неточни, соопштија од МИОА.
Воената полиција се вклучува во обезбедување на дел од карантините. Наша должност е да го дадеме максимумот во спроведување на мерките за спречување на ширењето на Ковид 19. Здравјето е најважно, ние сме тука, будно следиме и ги извршуваме доделените задачи во испомош на колегите од МВР кои ги контролираат мерките за ограничено движење. За здравјето на сите нас, порачуваат од Армија на Република.
Од Дебар заминаа 106 од затекнатите граѓани од други градови од државава. Останатите 12 лица, странски државјани од Шведска и Албанија, Дебар ќе го напуштат според соодветен протокол во соработка со Амбасадите на земјите од каде што се.
Во Србија повлечена одлуката за прошетка на миленичиња од 20 до 21 часот, во Македонија се бара решение.
Ватикан: Папата и неговите соработници се негативни на корона вирус. Во Ватикан се тестирани 170 лица, од кои шест се позитивни.
