Над 80% од граѓаните се задоволни од работата на Министерот за здравство Венко Филипче во однос на кризата со корона вирусот. Вакви податоци дава најновото истражување на јавното мислење кое за Детектор го спроведе Институтот за политички истражувања Скопје.
Според истражувањето, 82% од испитаниците се задоволни од работата на Филипче, а само 11% велат дека не се задоволни.
79,2% од анкетираните се задоволни од работата на надлежните во целост кога станува збор за борбата со епидемијата, додека пак 14% од граѓаните пак велат дека не се задоволни од тоа како работат надлежните.
Во однос на земјите од регионот, граѓаните сметаат дека земјава на ист начин се справува со кризата. Ваков став имаат 43% проценти. 28,4% од анкетираните се на ставот дека Македонија има подобар пристап од соседните земји додека 11,2% сметаат дека тој е полош.
Истражувањето на јавното мислење за потребите на Детектор го спроведе Институтот за политички истражувања Скопје врз репрезентативен примерок од 1116 испитаници во периодот од 18 до 21 март оваа година.
