Јорданската армија денеска објави дека пресретнала дронови и ракети кои го нарушиле јорданскиот воздушен простор по израелскиот напад врз Иран утрово и предупредувањето на Иран дека нема да има ограничувања за нејзиниот одговор.
Јорданската армија објави дека нејзините авиони и системи за противвоздушна одбрана утрово пресретнале „голем број ракети и дронови кои влегле во јорданскиот воздушен простор“.
Претходно, сирените се огласија во Аман, главниот град на Јордан, а властите ги повикаа граѓаните да останат во затворен простор.
Портпаролот на јорданската влада денеска изјави дека Јордан не дозволил и нема да дозволи ни најмало нарушување на својот воздушен простор и рече дека земјата нема да дозволи никакво користење на својот воздушен простор во контекст на каков било конфликт.
Јордан претходно денеска објави дека го затвора својот воздушен простор и ги приземјува сите авиони како одговор на израелскиот напад врз Иран. Ирак, кој граничи со Иран, исто така го затвори својот воздушен простор откако започна израелскиот напад врз Иран.
Јорданската влада, исто така, го осуди израелскиот напад врз Иран, а портпаролот на Министерството за надворешни работи предупреди за „последиците од таквата ескалација“.
Јордан го нарече израелскиот напад флагрантно кршење на суверенитетот на земја-членка на ОН и јасно кршење на меѓународното право.
