– Британскиот принц Хари вчера ја посети Украина каде пристигна со тим од својата фондација „Invictus Games“ за детално да ги објасни плановите на неговата добротворна организација за помош во рехабилитацијата на ранетите војници.
Ова е второто патување на Хари во Украина годинава, откако во април го посети центарот за ранет воен персонал во Лавов. Хари десет години служеше во британската армија пред да ја основа фондацијата „Invictus Games“, која организира меѓународен спортски настан за воен персонал ранет во акција.
Хари беше поканет во Кијив од премиерката Јулија Свириденко и Олга Руднева, директорка на центарот за рехабилитација „Superhumans“, соопшти неговата канцеларија. Тој исто така имаше приватни средби со министерката за прашања на бранителите, Наталија Калмикова, и премиерката, а подоцна положи венец на плоштадот Мајдан, додаде неговата канцеларија.
– Не можеме да ја запреме војната, но можеме да направиме сè за да помогнеме во процесот на закрепнување, изјави Хари за „Гардијан“ во ноќен воз за Кијив, додавајќи дека пред патувањето добил дозвола од британската влада и неговата сопруга.
Патувањето се случи на крајот од четиридневната посета на Хари на Велика Британиј, каде после 20 месеци се сретна со неговиот татко, кралот Чарлс.
