Сони го откри дизајнот на џојстикот за најавениот Play Station 5. Џојстикот наречен DualSense има поразвиен тач-пад од неговите претходници и погломазна конструкција, што е исчекор од дизајнот на џојстиците на Сони во последните 20 години.
По долгата презентација, креаторите го открија дизајнот на социјалните мрежи, а голем дел од познавачите на конзоли искоментираа дека дизајнот неверојатно потсетува на џојстиците на конкурентниот Xbox.
Задржани се некои карактеристики како централниот тач-пад, но светлото кое на претходните џојстици беше поставено странично, сега е на горниот дел. Исто така, олеснување за гејмерите е што со PS5 нема да мораат да носат слушалки бидејќи на самиот џојстик има вграден микрофон.
Уште една промена е влезот за полнење, кој сега е USB-C влез.
