Иранскиот претседател Хасан Рохани денеска изјави дека Меѓународниот монетарен фонд (ММФ) ќе биде виновен за „дискриминаторско однесување“ доколку не одобри заем од пет милијарди американски долари за Техеран за борба против корона вирусот.
– Барам од меѓународните организации да ги исполнат своите должности. Ние сме членка на ММФ. Не треба да има дискриминација во давањето заеми, рече Рохани на состанокот на состанок на неговиот кабинет што се емитуваше на телевизија.
Шефот на иранската централна банка Абдолнасер Хамати минатиот месец испрати барање до ММФ за пет милијарди американски долари од Иницијативата за итно финансирање, односно кризната програма која беше формирана за помош на земјите кои се соочуваат со ненадејни шокови, како што се природни катастрофи.
