Родителите на жртвите во пожарот во дискотека „Пулс“ денеска повикаа на протестен „Марш на ангелите“, кој наместо во Кочани ќе го одржат во Скопје.
Почетокот на маршот е закажан за 12:05 часот на плоштадот „Македонија“, од каде што ќе продолжи пред Собранието и пред Основниот кривичен суд Скопје.
– Нашите деца умреа на 16 март. Шеесет и три деца кои никогаш повеќе нема да ги видиме. Не бараме од вас милост, бараме да ни се придружите во борбата за правда, затоа што нашите деца го заслужуваат тоа. Маршираме за вистината. Болката е наша, но борбата е за сите нас. Ни треба ваша поддршка, порачаа родителите во видеопорака.
Кон повикот се преидружи и иницијативата „Кој е Следен?“.
