Фатима Бош од Мексико е прогласена за Мис Универзум 2025 на финалето што вечерва се одржа во Нонтхабури, близу Бангкок. 25-годишната хуманитарна работничка, која претходно беше навредувана од тајландски директор на изборот, стана фаворитка на јавноста и доби силна меѓународна поддршка по контроверзниот инцидент што предизвика солидарност од кандидатките
Круната ѝ ја предаде минатогодишната победничка, Данката Викторија Кјер Тејлвиг. Прва придружничка е Тајландката Правинар Синг, а во топ-5 влегоа уште Венецуелката Стефани Абасали, Филипинката Ахтиса Манало и претставничката на Брегот на Слоновата Коска, Оливиа Јасе.
View this post on Instagram
Оваа година настапија натпреварувачки од 120 земји, меѓу кои и Палестинката Надин Ајуб – првата жена што официјално го претставува палестинскиот народ на изборот. Таа успеа да стигне до финалните 30.
Финалето го водеше американскиот комичар Стив Бајрн, а церемонијата беше отворена со настап на тајландската поп-ѕвезда Џеф Сатур.
Скандали, навреди: најпроблематичната година на избор
Ова издание на Мис Универзум беше проследено со серија контроверзии. Најголем одек имаше јавната навреда на директорот на Miss Universe Thailand, Навад Ицарагрисил, кој на состанок пред кандидатките ја прекори Бош дека „не објавува доволно промотивни содржини“. Дел од снимките покажаа дека тој ја нарекува „глупава“, што подоцна го негираше тврдејќи дека зборувал за „штета“.
Кога обезбедувањето беше повикано да ја изведе Бош од просторијата, другите натпреварувачки станаа и ја напуштија салата во знак на солидарност, што предизвика лавина реакции во светските медиуми. Мексиканската претседателка Клаудија Шеинбаум го осуди однесувањето како „агресија“, пофалувајќи ја Бош за „достоинство и самодоверба“.
@amusestan Miss Universe 2025 | Day 3 | Miss Universe Mexico was seen in tears after walking out of orientation, following reports that Nawat allegedly called her “dumb.” The incident has sparked widespread reactions online. Nawat Itsaragrisil (@nawatofficial) is President of Miss Grand International, National Director of Miss Universe Thailand, and Vice President of the Eastern Regional Office of Miss Universe (@missuniverse). Miss Universe Mexico 2025 – Fátima Bosch (@fatimaboschfdz) 📷 Hey Adam G #MissUniverse #MissUniverso #MissUniverse2025 #MissUniverseThailand #74thMissUniverse #MissUniverseThailand2025 #FatimaBosch #MissUniverseMexico #MissUniverseMexico2025 #Nawat #MissGrandInternational #drama #sashingceremony #amusestan ♬ original sound – amusestan
Мис Универзум Организацијата го осуди однесувањето на Ицарагрисил и му ја ограничи улогата во подготовките. Тој подоцна се извини на пренесувана церемонија за добредојде.
Ситуацијата дополнително се заостри кога Мис Универзум 1996, Алисија Мачадо, во пренос на Instagram Live даде расистички коментар кон Тајланѓаните, нарекувајќи ги „Кинези“ и користејќи навредлив гест со очните капаци. Нејзините изјави предизвикаа остри критики
Оставки во жирито и обвинувања за местење
Неколку дена пред финалето, двајца членови на жирито поднесоа оставки. Композиторот Омар Харфуш тврдеше дека изборот бил „веќе решен“ и дека постоела „тајна група“ која ги определила првите 30 финалистки.
„Не можев да стојам пред камерите и да глумам дека гласам за нешто во што не сум учествувал,“ напиша Харфуш.
Miss Universe Organization ги оцени тврдењата како „погрешно претставување“ и истакна дека протоколите се јасни, надгледувани и транспарентни. Истото тело соопшти дека „не постои никаков импровизиран состав на судии“.
Истовремено, поранешниот француски фудбалер Клод Мекелеле исто така се повлече, наведувајќи „непредвидени лични причини“.
Несреќни моменти и сценски спектакл
Во прелиминарната вечер, претставничката на Јамајка Габриел Хенри доживеа тежок пад во вечерниот дел, по што беше изнесена на носила. Претседателот на организацијата, Раул Роча, објави дека е хоспитализирана, но дека нема скршеници и е во стабилна состојба.
Како и секоја година, спектаклот со националните костими привлече огромно внимание. Мис САД Одри Екерт се појави во разулавен костим-интерпретација на белог орел, дело на дизајнерот Сајмон Виљалба.
Победничка порака со силна реакција
Одговарајќи на финалното прашање за обраќање пред Генералното собрание на ООН, Фатима Бош испрати порака за женска самодоверба:
„Верувајте во силата на вашата автентичност. Вашите соништа значат нешто, вашето срце значи нешто. Никогаш не дозволувајте некој да ве натера да се сомневате во вашата вредност.“
Изборот траеше три недели, со патувања низ Тајланд, бројни јавни настани и подготовки што кулминираа со финалето во Бангкок.
