Очекувам дека во првата половина од 2026 година да имаме најдобар паркинг во кругот на Клиничкиот центар, инфраструктура во државата, значи целосно смарт паркинг, исто така и катна гаража. Ќе има доволно паркинг места за вработените, пациентите и сите кои сакаат да бидат дел од таа инфраструктура во Клиничкиот центар, истакна денеска министерот за здравство Азир Алиу.
Посочи дека денеска имал состанок со новиот директор на Јавното претпријатие „Градски паркинг“, Владимир Кроневски и се договориле за динамиката на работа.
– Завршија административните процедури. Се очекува до средината на наредната недела во Службен весник да бидат дефинирани тие парцели за кои елаборатот помина. После тоа немаме никаква процедура, само треба да имаме прес-конференција со директорот, да се потпише договорот и да се почне со работа – додаде Алиу одговарајќи на новинарско прашање.
