Необично топлите ноемвриски ноќи се само еден од знаците што отвораат сериозни прашања за климатските промени, нивното влијание врз градовите и иднината на годишните времиња. Ова е темата на првиот текст од новиот серијал на ЦИВИЛ / GreenCivil.mk – КЛИМАТСКИ РОЛЕРКОСТЕР.
Ноќта меѓу 13 и 14 ноември во Скопје беа забележани 17 степени во девет часот навечер и 13 степени во четири часот наутро. За споредба, просечната ноемвриска температура во Скопје, според климатските податоци за периодот 1991–2020 година, изнесува околу 7 степени.
Но една топла ноќ не е доказ за климатските промени. Долгорочните научни податоци, меѓутоа, покажуваат загрижувачки трендови.
Според европската климатска служба „Коперникус“, Европа се загрева приближно двојно побрзо од светскиот просек, со околу 0,56 степени Целзиусови на секои десет години во последните три децении.
Анализата на ЦИВИЛ ги разгледува промените во сезонските температури, урбаните топлински острови и последиците врз здравјето, животната средина и секојдневието.
Времето објаснува зошто една ноќ била топла. Климата ни кажува дали таквите ноќи стануваат почести.
Прочитајте го целиот текст „КЛИМАТСКИ РОЛЕРКОСТЕР (1): Есента, градовите и нашиот живот“, објавен на ЦИВИЛ МЕДИА.
ФРОНТЛАЈН ПРЕС
