Наспроти сите скептични најави поврзани со покачувањето на времената акциза за нафтените деривати, тие не само што не поскапија туку напротив, од вечерва драстично поевтинуваат.
Опозицијата отиде до таму и најави ценовен шок и обвини дека одлуката ќе падне врз товарот на граѓаните и фирмите. Денешната одлука на регулаторната комисија беше спротивна вест, новите цени се олеснување за сите возачи во земјава.
“Зголемената акциза за горивата ќе падне директно на товар на фирмите и граѓаните. Таа ќе биде на штета сите, а постои и сериозна можност за ценовен шок”, беше дел од реакцијата на ВМРО-ДПМНЕ по објавување на веста за новата акциза.
Но наспроти ваквите најави, од вечерва цените на нафтените деривати поевтинуваат и тоа драстично, како ретко до сега. Од вечерва цената на бензинот се намалува за 2,50 односно 2,00 денари, а на дизелот за 4,00 денари. Со новите ценовници од полноќ еуросупер БС-95 бензинот ќе се продава за 49,50 денари за литар, еуросупер БС-98 за 52,00 денари, а еуродизел Д-Е V за 42,50 денари за литар.
А. З.
