Од МВР известуваат дека отсекот за економски криминал при Одделението за внатрешни работи Радовиш до Основно јавно обвинителство Струмица на 29.04.2020 година поднело кривична пријава против И.Г. (38) од Струмица, вработен во Агенција за финансиска поддршка во земјоделството и руралниот развој за сторено кривично дело „Примање поткуп“ по член 357 од кривичен закон.
Се работи за лицето Игор Гоцев, член на ИО на ВМРО-ДПМНЕ Струмица, вработен во агенцијата за финансиска поддршка во земјоделството, наведуваат на социјалните мрежи.
Игор Гоцевски член на ИО ВМРО-ДПМНЕ Струмица вработен во агенција за финансиска поддршка во земјоделство е уапсен и му е поднесена кривична пријава поради примање на поткуп со бележани банкноти.
Им дојде Цветан заменик во МЗШВ и пак почнаа со уцени кон земјоделците со барање мито pic.twitter.com/HcViHd6s3P— Profesorkata Mila (@Nadja_RedGirl) April 30, 2020
Во соопштението на МВР известуваат дека во декември 2019 година осомничениот извршил контрола над земјоделски површини сопственост на правен субјект од с.Бучим, општина Радовиш, за што изготвил записник без констатирани забелешки, а врз основа на тој записник на правниот субјект му биле исплатени субвенции согласно Програмата за финансиска подршка во земјоделството за 2019 година.
МВР наведува дека во април 2020 година пријавениот остварил контакти со управителот на правниот субјект и побарал од него да му исплати пари во износ од 600 евра, како награда за претходно изготвениот записник без констатирани неправилности, а ако не го стори тоа, тој ќе изготви нов записник со констатирани неправилности, поради што ќе мора да ги враќа исплатените средства и нема да има право да аплицира за доделување на субвенции следната година.
„На 29.04.2020 година околу 08.00 часот на локален пат од село Бучим кон Радовиш од страна на полицски службеници од Одделението за внатрешни работи Радовиш е запрено патничко возило марка „мерцедес“, со струмички регистарски ознаки, управувано од И.Г., при што во возилото се пронајдени обележани
банкноти во вкупен износ од 36.000 денари, кои претходно осомничениот ги примил од управителот на правниот субјект од село Бучим. И.Г. е лишен од слобода и по поднесена кривична пријава е предаден на Јавен обвинител од Основно јавно обвинителство Струмица, од каде е изведен пред судија на претходна постапка во Основен суд Струмица.“, се вели во соопштението од МВР.
