Свештеници од СПЦ во црногорската општина Бијело поље синоќа биле повикани на информативен разговор, поради органзиирање на литија и присуство на протестен собир, пренесува BN.
Владика и 7 свештеници биле задржани во 72 часовен притвор заради организирање литија со присуство на неколку илјади граѓани, и покрај строгите забрани за јавни собири.
Од страна на полицијата во Никшиќ, по налог на црногорското обвинителство, на сослушување биле однесени епископ и 7 свештеници од СПЦ поради непочитување на мерките на Националното координативно тело за борба против ширење на заразата од Ковид-19, по одржана литија по повод празникот Св. Василие Острошки Чудотворец.
Од СПЦ во Бијело Поље соопштија дека не стојат зад организацијата на протестот и повеќе свештеници излегле на улиците откако дознале за протестот со цел да оневозможат евентуални нереди.
Пред да биде спроведен во полициска станица, владиката се обратил кон собраната толпа повикувајќи ги да не прават нереди, додал дека е длабоко навреден од чинот, затоа што не е прекршен ниту еден член од Уставот на Црна Гора и дека пред Бога и пред народот е чист.
Собраните граѓани извикувале „не го даваме владиката“ и ја повикувале полицијата да ги фрли униформите.
А. Н. С.
