(ВИДЕО) Николовски: СДСМ реализира повеќе од половина од ветеното. Избори треба да има тогаш кога тоа ќе биде најмногу возможно. Поминавме низ овој период многу соодветно, со навремени и внимателни политики се справивме со здравствената криза. Сметаме дека по сите анализи, ние се базираме само на стручните епидемиолошки истражувања, анализи, податоци, нашите одлуки се базираат на тоа, вели Николовски во интервју за РСЕ.
(ВИДЕО) Заев: На 17 мај 2015 го победивме режимот, ја вративме слободата.
Тимоние: Скопје и Софија да продолжат со изнаоѓање заеднички прифатливи решенија, научно засновани и во европски дух. Позитивната динамика којашто се воспостави со чинот на потпишувањето на Договорот за пријателство впо 2017-та и која продолжи со Договорот од Преспа, овозможи да се дојде до едногласната одлука на земјите – членки за отпочнување на преговорите за пристапување кон Унијата. Тој позитивен дух мора да го зачуваат двете страни, особено во рамките на активностите на експертските комисии кои дадоа одредени охрабрувачки резултати, вели во интервју за МИА амбасадорот на Франција во земјава Кристиан Тимоние.
Во изминатото деноноќие 39 лица не ја почитувале забраната за движење. Приведени се 30 лица, а за останатите се земени податоци и ќе следуваат соодветни мерки, информираат од МВР.
Пендаровски: Борбата за повеќе права и еднакви можности треба да продолжи. Меѓународниот ден против хомофобијата, трансфобијата и бифобијата – 17 Мај оваа година, за жал, го дочекуваме по одлуката на Уставниот суд да го укине Законот за спречување и заштита од дискриминација, кој стапи на сила пред една година.
Курти: За случувањата во Куманово потребна е независна меѓународна истрага.
Ние треба да разговараме со Владата на Северна Македонија, меѓутоа ние сме Влада во оставка, а и таму има техничка Влада. И таму и кај нас не очекуваат избори. За тој случај е потребна една таква независна истрага, за која и ние треба да го дадеме нашиот придонес, а посебно меѓународниот фактор, која ќе ја открие вистината и ќе воспостави правда, изјави Курти.
Заврши првата фаза од реконструкцијата на булевар „АСНОМ“ во Скопје.
Заврши првата фаза од реконструкцијата на „Пластичарска“. Градежните работи викендов се изведуваа на потегот од крстосницата со ул. „Самоилова“ во близина на Амбасадата на САД, до влезот во касарната „Илинден“, а со реконструкцијата на улицата од клучката Бит-пазар во вкупна должина од 1.440 метри, Скопје доби уште едно ново булеварско решение.
Полскиот надбискуп Полак пријави во Ватикан бискуп кој криел сексуално злоставување деца.
Џонсон: Велика Британија до јули ќе се врати во состојба блиска до нормалната.
И.Т.З.
