Антоан де Сент Егзипери е француски писател, поет, авијатичар и репортер, кој во светот е познат по неговото култно дело, Малиот принц. Pоден e на 29 јуни 1900 во Лион, Франција, а починал на денешен ден во 1944 некаде над Средоземното Море, полетувајќи од авионската база во Корзика, лет од кој никогаш не се враќа и исчезнува без трага.
Неговата смрт и до денешен ден останува мистерија.
Пред неговата смрт, францускиот генерал и подоцнежен претседател Шарл де Гол, јавно изјавил дека писателот-пилот ја поддржува Германија. Ваквото јавно мислење го фрлило Сент-Егзипери во депресија, и тој почнал да пие алкохол во големи количини. Неговото здравје, ментално и физичко почнало да се влошува. Повеќето знаеле дека Сент-Егзипери е депресивен и се дискутирало да му се одземе летачката дозвола. Последната мисија на Сент-Егзипери била да ја надгледува германската армија во и околу долината на реката Рона некое време пред прочуената операција „Драгун“.
На денешен ден во 1944, иако му било дозволено да лета на уште само пет мисии, тој полетал со невооружен Р-38 на девета мисија по ред од авионска база во Корзика. Ова е последниот лет на Антоан Сент-Егзипери, кој никогаш не се врaтил и исчезнал без трага. Неговото исчезнување станува главен наслов на меѓународно ниво.
Некое време подоцна, некоја Французинка изјавила дека видела пад на авион близу нејзиниот дом, кој наскоро бил најден близу Марсеј, а телото во авионот било закопано, со претпоставка дека станува збор за Сент-Егзипери.
Во септември, 1998, Жан-Клод Бјанко, рибар, пронашол јужно од Марсеј, сребрена алка на која биле врежани имињата на Сент-Егзипери и жена му Консуело. Откривањето на алката било емоционален настан во Франција, каде веќе во тоа време Сент-Егзипери бил национална икона, а некои се прашувале за автентичноста на алката бидејќи била најдена далеку од претпоставената летачка траекторија, што имплицира дека авионот не бил соборен.
Во мај 2000, Лук Ванрел, нуркач, ги нашол остатоците од P-38 расфрлани низ илјадници метри квадратни на морското доно на брегот на Марсеј, каде претходно била најдена алката. Откритието ја разгорило земјата, која со децении го барала возилото и спекулирала за смртта на пилот. По две годишно одложување од страна на француската влада, остатоците од авионот бил преземани во октомври, 2003.
На 7 април, 2004, Патрик Гранжан, тогашниот француски министер за култура заедно со Фредерик Солано, капетанот на француските воздушни сили, како и неколку истражители од француското подводно арехолошко друштво потврдиле дека најдените остатоци навистина припаѓале на авионот на Егзипери. Никакви дупки, ниту знаци од пукање не биле најдени, иако ова е неважно бидејќи само мал дел од авионот бил зачуван.
Во јуни, 2004, фрагментите биле дадени на музејот за вселенски објекти во Ле Бурже, Париз, каде животот на авторот е комемориран во посебен излог.
И.Е.
