По долго најавување, новата генерација ровер кој го носи името „Упорност“ (Perseverance), ќе му прави друштво на „Љубопитност“ (Curiosity) кој беше лансиран кон Марс во ноември 2011 година.
„Упорност“ беше лансиран вчера од космодромот Кејп Канаверал во САД, а НАСА во живо го емитуваше целиот настан на Твитер.
Меѓудругото, самиот ровер има и свој профил на социјалната мрежа Твитер каде можат да се прочитаат најнови информации кои „роверот ги пишува во прво лице“.
Лансирањето на роверот е дел од проектот „Одбројување до Марс“ (Countdown To Mars) кој има за цел да ја истражи црвената планета за можно населување на човекот во иднина. Во еден од твитовите на профилот на Упорност пишува „еден дом оставаме зад себе, пред нас нѐ чека нов“, алудирајќи на идејата за населување на Марс.
We’re on our way to Mars – me and the almost 11 million names I carry. One home behind us, and a new one ahead. #CountdownToMars
Post-launch Update: https://t.co/ssXuLjQVez pic.twitter.com/fJmK48hTiL
— NASA’s Perseverance Mars Rover (@NASAPersevere) July 30, 2020
Интересно е што во моментите кога носачот на роверот се спремаше да полета од космодромот во Флорида, центарот за комуникација на НАСА во Калифорнија беше погоден од земјотрес со јачина од 4.5 степени што создаде мали проблеми во комуникацијата меѓу двата центри, но сѐ помина во најдобар ред.
Роверот е на пат кон Марс, а неговата главна задача е да истражува дали некогаш постоел живот на таа планета.
It’s back to normal operations for me as I cruise to Mars. I put over a million miles on the odometer yesterday. Roughly 290 million miles to go in my #CountdownToMars.
Latest status: https://t.co/rh4twlLukp
Follow my flight path: https://t.co/ANtjWBKc4y pic.twitter.com/ndZvHwUXm1— NASA’s Perseverance Mars Rover (@NASAPersevere) July 31, 2020
A. Н. С.
