Министерот за здравство на Словачка, Марек Крајчи, изјави дека државата доживува втор бран на пандемија на коронавирусот.
– Во моментов епидемиолошката состојба во Словачка е под контрола, иако се влошува. Државата се соочува со втор бран (на пандемијата) на новиот коронавирус, изјави тој за националното радио.
Во Братислава вчера се одржа состанок на комисијата за борба против пандемијата, формирана од словачката Влада. Експертите во неговиот состав ги советуваа жителите да се воздржат од патување во странство.
Од почетокот на пандемијата, вкупниот број на заразени со коронавирусот во Словачка, со население од 5,5 милиони, достигна 2.615, вклучувајќи ги и оние кои се опоравиле. Регистриран е 31 смртен случај.
Бројот на потврдени случаи на заразени со новиот коронавирус во Германија е зголемен за 1.226 – на 218.519, според денешните податоци на Институтот „Роберт Кох“.
Во Германија претходниот ден беа потврдени 966 нови случаи на инфекција со коронавирусот.
Уште шест лица починаа од Ковид-19, а вкупниот број на смртни случаи од почетокот на пандемијата е 9.207.
