Вчера на бул. Климент Охридски инспекторите на Град Скопје казнуваа непрописно паркирани возила на тротоарот зад Соборниот Храм.
„На тротоарот непосредно до угостителскиот објект „Веган Кујна“ беа затекнати две возила, а сопствениците излегоа од објектот, одбија да се легитимираат и ги однесоа своите возила. Повикана беше и полицијата, откако инспекторите почнаа да добиваат закани за роднински врски со членови на Советот на Град Скопје. Подоцна на местото пристигна и советничката Драгана Велковска која продолжи со заканите и навредите кон инспекторите, неовластено ги снимаше и пренесуваше во живо на социјалните мрежи.“ пишува на официјалната ФБ страница од Инспекторатот на Град Скопје.
Споменатата Драгана Велковска која е советничка во Советот на Град Скопје, на Фејсбук напиша:
Од Инспекторатот на Град Скопје велат дека немаат намера да прават компромиси со узурпацијата на јавните простори со возила, без разлика дали се работи за функционери од било која политичка партија. Како и во многубројните досегашни акции за непрописно паркирани возила на велосипедските патеки и тротоарите на овој булевар, и во овој случај сите затекнати возила добија казна во висина од 50 евра, велат од Инспекторатот.
Голема пајак акција вчера беше спроведена и во општина Аеродром на улица Симеон Кавракиров, каде со 4 пајак возила на неколку наврати беа отстранети сите возила кои узурпираа тротоари и беа непрописно паркирани на коловозот од потегот на Транспортен центар према О.У. Блаже Конески.
Во текот на изминатата недела, како што информираа од Град Скопје, со специјалните возила пајак се отстранети вкупно 305 возила од јавните површини во Скопје.
J. Ѓ.
