Во Косово вчера се извршени 1.617 тестови со методот РТ-ПЦР, при што е регистрирана рекордна бројка од 661 новозаболен од Ковид-19 во еден ден, јави дописникот на МИА од Приштина.
Како што објави попладнево Националниот институт за јавно здравство на Косово (ИКШПК), бројката на заразени од коронавирусот од почетокот на пандемијата достигна до 22.206 од вкупно 102.012 лица кои се тестирани поради сомневање дека се заразени.
Според редовниот 24-часовен извештај на ИКШПК, вчера починале шестмина од заболените, со што вкупниот број на жртви на пандемијата се искачи на 720.
Како излекувани вчера се евидентирани 92 пациенти, а од почетокот на епидемијата болеста досега ја совладале 15.921 лице.
Согласно официјалните статистики на косовските здравствено власти, во земјата во моментот има 5.565 активни заболени.
Се влошува епидемиолошката состојба и во Албанија, каде денеска за првпат бројот на новозаразени ја надмина бројката од 400.
-Регистран е нов негативен рекорд на инфицирани со коронавирус. Во изминатите 24 часа од направените 1.744 тестови, Ковид-19 е дијагностициран кај 421 лице што е 24,1 отсто. Во исто време починаа седум паценти или 543, а досега се оздравени 118 лица, со што бројката на оние кои го победија опасниот вирус се зголеми на 11.696, информираше Министертвото за здравство и социјална заштита апелирајќи за строго почитување на мерките за заштита.
Од почетокот на март кога беа регистрирани првите случаи до сега направени се 133.291 тестови, позитивен резултат е добиен кај 22.721 лице, оздравеле 11.696 ,додека активни на болеста се 10.482, од нив 346 се хопситализирани во трите ковид болници.
Поради заразени судии и друг персонал, по Каваја, Драч и Тирана од денеска затворен е и судот во Валона. Не работат и градинки во повеќе градови, одделенето за катастар во Елбасан, а заразени има и меѓу наставниот кадар.
