Поради влошената епидемиолошка состојба, Кризниот штаб на Федерацијата Босна и Херцеговина ги заостри мерките за спречување на ширење на Ковид-19 со воведување полициски час и намалување на бројот на дозволени лица на јавни собири од 50 на 30.
Одлуката за заострување на мерките ќе стапи во сила од утре, а за време на полицискиот час е забрането движење на населението од 23 до пет часот наутро.
Полицискиот час и ќе важи на целата територија на Федерацијата БиХ.
Ограничувањето од најмногу 30 лица на собири се однесува на митинзите што се одржуваат и надвор и внатре. Новоте мерки ќе се преиспитуваат на секои седум денови.
Албанија од утре воведува полициски час како дел од напорите да се спречи ширењето на новиот коронавирусот по наглото зголемување на случаите во изминатите неколку недели. На сите граѓани ќе им биде забрането да ги напуштаат своите домови од 22.00 до 06.00 часот.
– Поради високиот број заразени и со цел да се спречи понатамошното ширење на заразата, донесовме одлука со која се забранува движење од 22:00 до 6:00 наутро. Ограниченото движење започнува од среда, 11 ноевмри и ќе трае три недели.Од оваа одлука се изземаат само лицата кои се на работа и службите за итни потреби, изјави синоќа Мира Ракацоли, претседателка на Комитетот и заменик министер за здравство и социјална заштита.
Во Албанија се забранува работа на угостителските објекти од 22:00 до 06:00 часот (освен услуга за достава ), додека за јавната администрација, според спецификите на секторот, ќе се работи онлајн или со ротација,со строго почитување на протоколите.
Ракацоли нагласи дека на тој чекор се одлучиле по деталната анализа на состојбата со пандемијата и реалзираните активности до сега,како и искуството од други држави.
Во меѓувреме, денеска регистриран е нов негативен рекорд на новозаразени со Ковид-19.
-Во изминатте 24 часа од направените 2.723 тестови, позитвни се 563 ли 21 отсто од тестираните. Во исто време битката со вирусот ја загубија осум пациенти или 579 до сега, додека за среќа во списокот на оздравни внесени се 153 или вкупно 12.353 од вкупно 25.294 заразени лица, информираше министерството за здравство и социјална заштита.
Моментно во трите ковид болници хоспитализирани се 367 лица од нив 15 се на интензивна терапја,од кои тројца интубирани.
