Филипче: Сопствениците на приватните болници со позитивен став за користење на нивните ресурси од страна на државата. Со оглед на тоа што за првпат државата заедно со приватните здравствени институции треба да направи реорганизација за справување со ковид кризата во време на пандемија, дополнителни прецизирања на условите, начинот на користење на ресурсите на приватните здравстевени установи ќе бидат договорени на следниот состанок закажан за в недела.
На локалните избори во Штип право на глас имаат 41.777, а во Пласница 4.954 гласачи.
ДЗС: Просечната нето плата во септември била 27.405 денари. Зголемување на исплатената бруто плата се должи на зголемувањето на просечната месечна исплатена бруто-плата по вработен во секторите преработувачка индустрија за 10,7 отсто, уметност, забава и рекреација за 10,6 и дејности на здравствена и социјална заштита за 10,2 отсто.
Шахпаска: Изедначувањето на боледувањето поради ковид-19 во јавниот и приватниот сектор е правично за сите вработени. За боледување поради КОВИД-19 вработените и во јавниот и во приватниот сектор ќе добиваат 70 проценти од платата за отсуство до седум дена, 80 проценти за отсуство до 15 дена и 90 проценти кога се на боледување над 15 дена. Во првите 30 дена исплатата на боледувањето е на товар на работодавецот, а потоа на Фондот за здравствено осигурување.
