„Здравствените работници од чистач до доктор, сè е на највисоко ниво. Немаат никакви слободни денови, секој ден ги гледаме истите фигури тука, секој ден се на работа, јас не знам како издржуваат и како можат да го поднесат ова“, вели пациент од инфективното одделение од Штип.
Тој е еден од тешките случаеви, кој е во кревет, кој вели дека ова го доживеал како многу тешка болест, во првите неколку денови бил и на кислород, а истовремено боледува и од дијабетис. За другите луѓе препорачува сите колку можат повеќе да се чуваат и да внимаваат за да не дојде до вошување и кај нив.
„Без кислород не сме останале, без лекарства не сме останале. Нема што да кажеме. Од 4:30 наутро сестрите почнуваат да делат терапија, ние спиеме, тие уште од тогаш почнуваат. Многу се оптеретени, по цел ден под тие скафандери не знам како издржуваат“, вели друга пациентка за медицинскиот персонал и докторите во КБ Штип.
Иако во јавноста во изминатиот период се споделуваше видео со незадоволен пациент, сепак овие изјави покажуваат дека пациентите имаат и позитивни искуства со медициснките работници во овој ковид центар и дека и самите согледале колку персоналот е оптоварен со работа и постојана грижа за пациентите.
С. М. Ж.
