Попладневен преглед: Заев - aмандманите на ВМРО-ДПМНЕ се срамна непочит кон македонските граѓани, реакции на социјални мрежи - Апасиев докажа дека е во Собрание да изигрува дворски шут...

Стеријовска: Независните групи и организации покажаа повеќе борба и отпорност од аспект на целата криза. Јас очекував повеќе активности и вклучување од институциите“, изјави Ирена Стеријовска на панел дискусијата „Општеството во пандемија, изведувачките уметности на раб на опстанокот“ во организација на ЦИВИЛ.

Заев: Амандманите на ВМРО-ДПМНЕ и дел од опозицијата се срамна непочит кон македонските граѓани. Уште еднаш ги повикувам пратениците од опозицијата да не посегнуваат кон загрозување на помошта за лозарите, пензионерите, самохраните родители, филмските работници, за сите граѓани – напипа Заев на социјалните мрежи.

Апасиев со амандманите докажа дека е во Собрание да изигрува дворски шут. Опозицијата со 3.000 амандмани ги блокираше измените на деловникот на Собрание, со кои би се овозможило седниците да се одржуваат онлајн.

Теми на утрешната македонско-бугарска комисија: Eвентуалното заедничко чествување на Гоце Делчев, средновековниот и раноосманлискиот период. Професорот Ѓоргиев, пак во изјава за Радио Слободна Европа изрази зачуденост од изјавата на неговиот колега, кој меѓудругото кажа и дека бугарската позиција е единствена и политички монолитна, за разлика од македонската.

Арсовски: Бучковски е одличен познавач на македонско-бугарските односи и почитуван од тамошната јавност. Има позитивни перцепции за неговите политики како поранешен премиер и е прифатен како некој што и порано придонесувал позитивно кон подобрување на односите со соседска Бугарија, истакна Арсовски на редовната прес-конференција во Владата.

Бучковски: Немаме друга мисија, ова мора сега да го решиме. Блиску сме до излезни решенија. Недопустливо е ние да биде понижени, нашите црвени линии се исцртуваат, јасно е во кој правец треба да се најдат решенијата. Ми се допадна дефиницијата на Османи, мора да ја вратиме довербата во процесот, процесот е нарушен, изјави Бучковски при гостување во емисијата Студио 10 на ТВ 24.

Митрески: ВМРО-ДПМНЕ поднесе несериозни, безобразни и апсурдни амандмани за Деловникот.Мицкоски и ВМРО ДПМНЕ, но и целокупната опозиција во Парламентот не сакаат функционално Собрание и продолжуваат со својата деструктивност да работат директно на штета на граѓаните. Тоа е срамно и неодговорно однесување, тоа е вистинското лице на ВМРО-ДПМНЕ и опозицијата, рече Митрески.

Валканото оружје на криминалните структури во политиката. Нападот врз прогресивните сили во општеството не е својствен само за Северна Македонија. Илиберални тенденции и хибридни закани против демократијата се бележат во повеќе земји во светот, па така и овде земаат замав. – пишува Џабир Дерала.

ИЈЗ: Се намалува бројот на новозаболени, расте бројот на оздравени пациенти. Пријавени се 206 смртни случаи од 25 града, незначително намалување за 1% во однос на минатата недела. Во однос на возраста, 169 лица биле над 60 години, 30 лица на возраст од 50- 59 години, 3 смртни случаи се пријавени од возрасната група 40-49 години и 4 случаи во возрасната група од 30-39 години.

Сања Угриновска Спасеновска шеф на кабинетот на Трајко Вељановски сведочеше за „27 април“. Претходно беше сослушан пратеникот Африм Гаши, како сведок повикан од одбраната на Трајко Вељановски, рече дека бил координатор на пратеничката група Беса и учествувал на координативниот состанок пред Конститутивната седница.

Земјотрес со епицентар во близина на Скопје, почувствуван и во Србија и Косово.

Видео записи од Васил Зафирчев, Дарко Мијалковски, Снежана Коневска Руси и други на денешното рочиште за „27 април“. Судењето за организаторите на настаните во Собранието од 27 април 2017 година продолжува на 4 декември, откако на денешното рочиште беа изведени видео материајли предложени од одбраната на обвинетиот Спиро Ристовски.

После критиките кон Јанша, словенечката Влада го запре финансирањето на новинската агенција СТА.

И.Т.З.

Промовиран првиот прирачник за вработените во музеите -„Водич за лица со попреченост при посета на музеите“

НАЈНОВО

Почнува зимскиот распоред на летање, Скопје и Охрид добиваат 10 нови дестинации

Дефект во системот ја блокира „Аљаска ерлајнс“: Привремено прекинати сите летови низ САД

Стармер врши притисок врз сојузниците за ракети со долг дострел за Украина

НАЈЧИТАНО

Судбоносно „ДА“ или опасно „НЕ“ – Македонија пред европскиот тест

Дневен хороскоп со Анаис – 24 октомври

Дневен хороскоп со Анаис – 23 октомври

Почна 40. јубилејно издание на „Макфест“