Следното рочиште за случајот ,,Меѓународен сојуз” е закажано за 10 декември. Судењето за овој предмет е во фаза доказна постапка, односно презентација на материјални докази од страна на обвинителството. Предмет на презентација на денешното рочиште беа разговори од „What’s App” меѓу обвинетиот Бојан Јовановски и повеќе други лица, меѓу кој и премиерот Зоран Заев.
Кривичниот совет во овој предмет го води судијката Софче Гаврилова-Ефремова. Како застапник на обвинението денеска се појави обвинителката од ОЈО за Организиран криминал, Милица Гаврилова.
