Во Прилеп денес се одбележува 1 година од постоењето на Дневниот центар за лица со церебрална парализа.
Градоначалникот на Прилеп Илија Јованоски, денес беше во посета на Дневниот центар и задоволен од постигнатото рече:
„Им честитам на сите вработени и раководители за постигнатиот успех. Со гордост можам да кажам дека она што сме го направиле пред една година, вроди со плод и максимално успешна работа. Денеска, Дневниот центар за лица со церебрална парализа станува и прва институција од јавен карактер во Општина Прилеп каде ќе бидат поставени фотоволтаични панели. Ова нека биде само една симболика, бидејќи нема да застанеме овде и ќе продолжиме да инвестираме и работиме со истиот ентузијазам.“
Центарот е направен и опремен по највисоки стандарди, а дворот и влезот се приспособени за потребите на овие лица.
Министерката за труд и социјална политика Мила Царовска, пред една година по повод отворањето на дневниот центар во Прилеп, изјави:
„Социјалните сервиси како што е овој дневен центар треба да ги следат индивидуалните потреби на секое дете и неговото семејство, да бидат мост со другите системи на поддршка. Само така, можеме да обезбедиме целосно вклучување на лицата со попреченост во општеството и да создадеме едно општество за сите. Овие центри значат многу во локланата заедница затоа што тие помагаат во исполнувањето на одредбите од Конвенцијата за правата на лицата со попреченост, кои се однесуваат на правото на самостојно живеење, лична мобилност, пристап до образование, здавствена заштита, рехабилитација и вработување“.
Ј.Ѓ
Discussion about this post