пишува: РИБАРО
Откако беше објавена „ексклузивна“ видео снимка каде жител од Арачиново кажува дека се доцни со ветувањето од страна на СДСМ за вработување на 200 пилоти од Арачиново, денес по итна наредба на Министерството за одбрана во координација со Министерството за транспорт и врски, власта, го исполни своето главно пред-изборно ветување и вработи точно 200 пилоти, сите од Арачиново.
Одма после ова, жителите од Аеродром, организирани од воздухопловното друштво „Чичко пушти книжиња“ се заканија со најава за масовен протест.
Во сооштението што го пушти ова здружение до редакцијата на АХА, покрај другото се бара да се поништи одлуката за вработување на арачиновци и се бара приоритет на аеродромци при вработивање за пилоти. Како што истакнува лидерот на ова здружение Бранимир Самолет, барањата не се за правична застапеност на аеродромци за работното место пилот, туку за приоритет при вработувањето што во овој случај мора да го имаат жителите на Аеродром. Тој се повикува на ова, како што нагласува, од природното и наследно право што жителите на Аердром го имаат за професијата пилот.
– „Никој друг во Македонија нема во името на општината асоцијации од типот „аеродром“, „пилот“, или слична друга асоцијација“, нагласува Бранимир Самолет, и допрецизира дека ова право покрај со раѓање и наследство, се стекнува и со прифаќање на жителство на Град Скопје, но стриктно со адреса во Општина Аеродром.
Репортерот на АХА од Арачиново, вели дека вработените пилоти од Арачиново од оваа изјава од Бранимир Самолет, воопшто не се вознемируваат, затоа што како што истакнал Челични Орели претседателот на синдикатот на пилотите од Арачиново, тоа им било ветено уште пред изборите и нема што тука да се разговара.
Со остра реакција пак се јавија од здружението „Партизанска Ескадрила“ од с. Петровец, во чиј атар се наоѓа Скопскиот Аеродромот. Тие велат дека ќе се приклучат кон протестот, но дека нивните деца се пораснати и живеат со авионите и аеродромот и дека за нивна дообука се потребни најмалку средства, па затоа државните органи мора да го имаат овој неоспорен факт при избор на пилоти.
Репортерот од Арачиново, јавува за раздвиженост во Арачиново, при што се забележани распоредување на против-авионски ракетни рампи околу атарот на Арачиново.
Во меѓувреме сите летови од Пекинг кон Скопје се букирани. Милијарда и петстотини милиони кинези, веќе поднеле барање за жителство со адреса во Опшина Аеродром, па од канцеларијата во Општина Аеродром се вознемирени и бараат начин како да ги решат овие барања.
Министерката Радмила Шеќеринска, за утре во паркот „Авионче“, закажа заедничка средба помеѓу членовите на здружението „Чичко пушти книжиња“ од Аеродром и од „Партизанска Ескадрила“ од Петровец, со медијаторство лично од Премиерот, сè со цел за да ги расчистат недоразбирањата и да не дојде до најавениот масовен протест.
Кинезите веќе од утрово го запоседнаа паркот „Авионче“.
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK