– Завршивме со изградба на канализациона мрежа во должина од 4,4 километри и колектор за отпадни води во општина Брвеница; завршена е рехабилитацијата на 118 километри регионални и магистрални патишта; интензивно работиме на изградба на водовод за населените места Сушица, Горно Зркле, Инче, манастир „Св.Богородица”, Горни и Долни Манастирец во Македонски Брод, информира преку социјалните мрежи Министерот за транспорт и врски Горан Сугарески за тековните активности на терен.
– Ова е многу значаен проект за општина Брвеница и населените места Брвеница и Долно Седларце бидејќи со ова се решава едно крупно прашање за околу 4000 жители на овие населени места.
Проектот се реализира преку Министерството за транспорт и врски во соработка со општината и е вреден 325 илјади евра, потенцира Сѕгарески.
За завршената рехабилитација на 12 патишта со вкупна должина од 118 км и вкупна вредност од 14,4 милиони евра во соработка со Светска банка, министерот Сугарески изразува задоволство од сработеното и ги посочува патните правци:
Регионален пат: Младо Нагоричане – Пелинце со должина од 10 км.
Регионален пат: Куманово – Свети Николе со должина од 10 км.
Регионален пат: Тетово – Попова Шапка
со должина од 18,2 км.
Регионален пат: Јурумлери – Драчево со должина од 4 км
Регионален пат: Битола – Демир Хисар со должина од 10 км.
Регионален пат: Драчево – Орешани – Таор со должина од 9 км.
Магистрален пат: Делчево – Звегор со должина од 5 км.
Регионален пат: Делчево – Пехчево со должина од 10,8 км.
Регионален пат: Берово – Виница со должина од 11 км.
Магистрален пат: Струмица – Ново Село со должина од 12,7 км.
Регионален пат: Кавадарци – Росоман со должина од 6,4 км.
Регионален пат: Фурка – Богданци – Гевгелија со должина од 10,6 км.
Интензивно работиме и на изградба на водовод за населените места Сушица, Горно Зркле, Инче, манастир „Св.Богородица”, Горни и Долни Манастирец во Македонски Брод“, завршува Сугарески.
Ј.Ѓ
