Основното јавно обвинителство Скопје отвори истражна постапка против Кавадарчанка за неовластено производство и пуштање во промет на дроги во Скопје, пренесе МИА.
– На 14 ноември, при претрес во домот каде што времено престојувала осомничената жителка на Кавадарци, на улица „Венјамин Мачуковски“ во Скопје, овластени полициски службеници пронашле 5,79 грама наркотична дрога – хероин и 0,58 грама марихуана. При претресот биле пронајдени и парични средства за кои постои сомневање дека потекнуваат од продажба на дрога, се вели во соопштението од ЈО.
Надлежниот јавен обвинител оценил дека се исполнети законските основи, односно дека осомничената би можела да се даде во бегство, да го повтори кривичното дело или да влијае врз сведоците, па до судијата на претходна постапка достави и Предлог за определување мерка притвор за осомниченото лице.
