Најголем дел од вработените според Рамковен договор или 831 лице ќе завршат во 15 министерства. Останатите ќе бидат рапсоредени во дополнителни 175 институции. Но, сè уште голем дел од рамковните вработени седат дома и земаат плата, анализира Радио Слободна Европа.
Министерството за земјоделство, шумарство и водостопанство е предводник на листата по распоредени државни службеници вработени според Рамковниот договор.
До септември годинава вкупно 1839 државни службеници, според податоците до кои дојде РСЕ, се распоредени во 190 државни институции, а најголем од нив или 831 лица ќе станат дел од петнаесет министерства, односно сите во состав на Владата освен министерството за политички систем и односи меѓу заедниците кое е надлежно за спроведување на Рамковниот договор.
Во Министерството за земјоделство се распоредени 128 вработени, осум помалку или 120 завршиле во МВР.
Потоа следи Министерството за економија со 90 службеници и министерството за правда со 86. Подолу на листата се Министерството за одбрана со 65 вработени и Министерството за финансии со 64.
Најдолу на листата е Министерството за локална самоуправа со 8 распоредени рамковни вработувања.
Министерот за политички систем и односи меѓу заедниците Садула Дураки пред два месеци изјави дека 938 вработени, според Рамковниот договор, и натаму ќе седат дома, а ќе добиваат плата.
„Сегашната влада имаше одлука за распределба на 938 административци во институции и од нив за 519 почна постапката и тоа во сите ресори кои се на ниво на владата, каде имаме одговор и правиме селекција во прва фаза. Верувам дека првата фаза ќе помине без никаков проблем и потоа ќе преминеме на втората фаза, при што со владина одлука треба да се направи распределба на 938 административци“, изјави Дураки.
Целата анализа можете да ја прочитате на РСЕ.
