Подла манипулација со времето на пласирање на вест од страна на порталот Курир.мк. Овој пат избрале да манипулираат со јавноста така што ќе постираат вест стара 3 години како да се случила денес. Целта е да се дигне тензија кај граѓаните и да се предизвика недоверба и револт спрема актуелната власт.
Темата е внимателно одбрана (социјален случај онеправден од институциите) а се цили на емпатијата како силна човечка особина. Насловот на веста на Курир и СДК.мк се безмалку исти, а иста е и содржината па дури и насловната фотографија е идентична.
„Осумчлено слепо семејство, трипати одбиено за социјален стан“, е наслов на порталот „Сакам да кажам“ од 6 декември 2016 година. Веста пред 3 години е преземена и од повеќе други портали.
Погледнете ја веста пласирана од Курир мк со денешен датум 7 декемви 2019 година
Веста пренесена на Курир дава линк до веста на СДК.мк, дури кажува и дека фотографијата е преземена од тој портал. навидум извонредно коректно пренесена вест.
Можат тие да се вадат на сè и сешто, од тоа дека ништо не е спорно, па се до тоа дека е ненамерна грешка и превид со датумот. Но тие од Курир нема ни тоа да го направат, затоа што не им е гајле дали манипулираат со чувствата на читателите се додека ја постигнваат целта и точно знаат кој ќе е ефектот што ќе го добијат со објавување стари вести со нови датуми.
Какви се овие школи, кои се овие новинари?
Следете внимателно, ќе има вакви манипулации се повеќе и повеќе како ќе се ближи датумот на изборите. Покрај агресивните политички конструкции, се повеќе ќе има и вакви медиумски манипулативни и навидум ненамерни грешки.
Благодарност до активистката Видана Б. Мицевска за воочувањето на оваа манипулација.
Ј. Ѓорѓиоски
