Албанија не е ѓаволска, туку демократска земја, која страдаше од невидена ѓаволска диктатура, па затоа човековите права за неа се светост.
Вака,албанскиот претседател Илир Мета ја искоментира изјавата на иранскиот духовен водач Али Хамнеи, кој Албанија ја прогласи за непријател, додавајќи дека таа е како „ѓаволска земја која ги подржува нивните противници“.
Порача дека за две децении, Албанија останува цврсто посветена да ги поддржува Соединетите амеркански држави и земјите од НАТО во борбата против меѓународниот тероризам и каков било чин што ја загрозува стабилноста и мирот во светот.
Претседателот Мета го нарече „провокација со опасни последици за стабилноста во регионот“ иранскиот ракетен напад врз двете американски бази во Ирак.
„Ракетите испукани од Иран кон две ирачки воени бази, во кои се сместени американски воени сили и персонал на коалицијата, се провокативен потег со опасни последици за регионот и нејзината стабилност. Иран мора да ги почитува меѓународните договори, меѓународните закони и неговите обврски во интерес на мирот, смета албанскиот претседател Илир Мета.
Претходно, премиерот Рама изјави дека иранските муџахедини во Албанија се дел од хуманитарна, а не политичка операција.
Во комуникација со албанските новинари, Рама од Виена додаде дека хуманитарниот став за иранската опозиција во Албанија е напишан и во договорот.
-Како прво, ова е тема и прашање кои не е нови за нас во однос на Иран. Ние презедовме акција што е чест за Албанија, а е во продолжување на албанската традиција и продолжение на една стратешка алијанса со САД да ги отвори вратите за група луѓе чиј живот е во опасност. Како што пишува и во договорот, тие во Албанија се во рамки на хуманитарна, а не на политичка операција, рече Рама.
Албанското МНР ги повика граѓаните да избегнуваат патувања во Иран и во Ирак
Албанското министертво за Европа и надворешни работи реагираше по заканите од Иран и прогласувањето на Албанија за непријател, како „ѓаволска земја која ги подржува нивните противници“.
Во соопштението се наведува дека по последните случувања патувањето во Иран и Ирак треба да се избегне.
„Министерството за Европа и надворешни работи на Република Албанија ги повикува сите албански државјани да избегнуваат патувања кон Блискиот исток во земји со високи тензии, Иран, Ирак. Албанските државјани кои во моментов се во Иран или Ирак, а на кои им е потребна помош, се молат да контактираат со амбасадите на Република Албанија во Кувајт и Турција, се наведува во соопштението.
Иранскиот духовен водач Али Хамнеи откако ја прогласи Албанија за непријател, ја нарече една многу мала, но многу ѓаволска европска земја, каде американските елементи соработуваат со иранските предавници и планираат против Исламската Република.
Албанскиот премиер Еди Рама пак, изјави дека иранските муџахедини во Албанија се дел од хуманитарна, а не политичка операција и оти неговата земја не е изложена на потенцијална закана како резултат на иранско-американската конфронтација.
Со ист став е и министерот за дијаспора и поранешен албански премиер и екс министер за одбрана Пандели Мајко.
