Пет мина загинаа во хотел во рускиот град Перм при експлозија на топловодната цевка на системот за греење, соопшти руското Министерство за вонредни ситуации.
Топловодната цевка експлодирала, а топлата вода го поплавила подрумот на хотелот, пренесува „Ројтерс“.
Локалната полиција претходно објави дека во инцидентот загинале четири лица, а тројца се повредени.
„За време на пумпањето на водата и понатамошниот преглед на просториите, откриени се пет тела кои во моментот се идентификуваат“, соопшти прес-службата на Министерството.
Според претходните извештаи на локалните власти, инцидентот се случил во приватен хотел во индустриската област на градот во Урал со повеќе од еден милион жители.
Истражниот тим започна кривична истрага за смртта на пет лица, пренесува ТАСС.
#BREAKING #Russia In #Perm, five people died in a hotel "Caramel" due to a break in a hot water pipe, three more were hospitalized with burns. The hotel is located on the ground floor of the building. pic.twitter.com/4wYMPEHDY0
— Kapil Patil (@Kapil_Patils) January 20, 2020